Er kün Ukrainada tahliye etilgen kişikerniñ sayısı arta. Keçken ay boyunca tahminen 70 biñ kişi, olardan deyerli 20 biñ bala, tahliye etildi. Qış başlamadan eveş VİETdan insanlar kütleviy olaraq kontrol etkenimiz topraqlarğa keteler. Ukrainadaki gumanitar qarşılıqnıñ halqara desteginiñ er vaqıt artması pek müim, dep vitse baş nazir İrına Vereşçuk FREEДОМ telekanalına intervyü bergende bildirdi.

“Yaqın kelecekte pek çoq köçip kelgen kişini qabul etip yerleştirmege azırlanamız. Ve halqara donorlarnıñ destegini arttıracaqlarına ümüt etemiz. Biz BMTnıñ leyhalarını, BMT qaçaqlar meselelri yuqarı komissarınıñ idaresini, Halqara Qırmızı Haç Eyyetinini, UNICEFni ve başqaların daa faal işdeşlikke çağıramız.

Donorlarnıñ yardımınıñ çoqlaşqanı ve muntazam olğanı bizim içün kereklidir. Tek birlikte gumanitar cebede ğalebe qazana bilirmiz. USQnıñ qarşı ücüminen qorqutılğan bizim duşmanlarımız toqtaycaqlarımızğa ümüt eteler. Amma bu asla olmaycaq.

Ülkelerniñ ükümetlerine ve başqa donorlarğa muracaat etem: yardım etiñiz! Bizim ğalebemiz – siziñ ğalebeñizdir!” – dep memur çağırdı.