Mahsus vaziyetlerde habersiz ğayıp olğan kişiler meseleleri vekili Oleh Kotenko Ukrainadaki İsveçre elçiliginiñ siyasiy mesleatçısı Sabrina Bühlernen ve Barışıq ve insan aqları meseleleri milliy programmasınıñ meneceri Lüdmıla Harbuznen iş körüşüvini keçirdi.

İsveçre tarafı, Reintegratsiya nazirliginñ vekillerini habersiz ğayıp olğan kişilerni qıdıruv sezek saasında çalışqan yabancı zenaatdaşlarnen halqara tecribe paylaşma programmalarına qatılmağa davet etti.

Mesleat şurasına birlikte para bermek istiqbaline ve bedenlerni identifikatsiya etüv ceryanını çabikleştire bilgen mahsus himiyeviy maddelerni satın almaq imkânına ayrıca diqqat ayırıldı.

‘Bu tür programmalar – bizim işimizni mükemmelleştirmek içün temeldir. Biz ihtisasiy tarzda beraber inkişaf etemiz. Malümatnen paylaşmaq, başqa ülkelerden zenaatdaşlarnıñ faydalı tecribesi – er bir vatandaşımıznı qıdıruv ceryanını tezleştirgen bir şeydir. Göñlümden inanam: er kesni tapıp evine qaytaracaqmız’, – dep Oleh Kotenko qayd etti.