Bu, Mariupolnıñ 84 yaşındaki sakini Janna Mılaşçrnko. İşğalciler şeerge şiddetli olaraq ateş açmağa başlağanda qızınen beraber o, qurtulmağa qarar berdi.

Qadınlarnıñ Ukrainanıñ serbest topraqlarına ketmek imkânı olmadı, bunıñ içün olar rusiye federatsiyasından ketmege qarar berdiler.

Sıñırda Janna Mıkolayivnadan bütün vesiqaları marum etildi ve zornen Tahanrohtaki üleştirici lagerge yollandı. Onıñ qızı vesiqalarını saqlana bildi, bunıñ içün soñ rusiyeden çıqa bildi.

Rus sıñırcıları Janna hanımnı vesiqasız azat etmey ediler. Qızı, imkânı olsa, Qırımda yaşağan yaqınlarına ketmege tevsiye etti. Anda Janna Mıkolayivna yardımnı sorağanda fotonen bir rica plakatını yaptı.

“Men, Ukraina vatandaşı, Mılaşçenko Janna Mıkolayivna, vaqtınca işğal etilgen ukrain Qırım MCnde bulunam. Men Mariupoldan çıqarıldım. Vesiqalarım olmay. Olarnı ruslar aldılar. Ukrainağa qaytmağa isteyim. Bu menim Vatanım. Yalvaram, yardımcı oluñız”, – dep qadın yazdı.

Ukrain jurnalisti Andriy Tsapliyenko öz Telegram kanalında fotosını yayınladı.

Reintegratsiya nazirliginiñ taqımı Janna Mıkolayivnağa yardım etti. Er kes çekildi: em Tış işler nazirligi, em Devlet migratsiya hızmeti, em de göñüllilerimiz.

Soñunda bizim Janna hanımımız Vatanına qaytmağa becerdi.

Şimdi Mılaşçenko Janna yaqınlarınen beraber evindedir.

Reintegratsiya nazirligi hatırlata, bu tüt vaziyetke oğraşsañız ya da yardımğa ihtiyac duysañız, sıcaq hatqa telefon etiñiz: (096) 078-84-33 ya da bulunğanıñız ülkedeki Ukraina konsullığına hitap etiñiz.

Telefon etiñiz, yazıñız, biz mıtlaqa yardımcı olacaqmız