burger

Arbiy areketler zonalarında, VİETda yerleşken ve qırşavlanğan cemaatlarnıñ aktual cedveli yañartıldı

Опубліковано 18 September 2022 року, о 16:38

Reintegratsiya nazirliginiñ emrinen tasdıqlanğan territorial cemaatlarnıñ cedveli turğan degil – olar er vaqıt yañartılır. Onıñ temelinde de devlet içinde alınğan kişilerge (DAK) ödemeler yapılır.

2022 s. sentâbr ayınıñ 13-sinde arbiy (cenk) areketler rayonlarında yerleşken ya da vaqtınca işğal etilgen, qırşavlanğan (bloklanğan) territorial cemaatlarnıñ yañartılğan cedveline 9 vilâyet kirsetildi.

Bu, Dnipropetrovsk (10), Herson (49), Harkiv (56), Mıkolayıv (26), Donetsk (tüm 66), Lugansk (tüm 37), Zaporijjâ (56), Sumı (22) ve Çernihiv (5) vilâyetleriniñ territorial cemaatlarıdır. Umumen, şu anda cedvelde 327 cemaat buluna.

Qayd etmek kerek ki, sicilge Dnipropetrovsk vilâyetiniñ Nikopol rayonınıñ Marhanets şeer territorial cemaatı kirsetildi.

Demek ki, mezkür cemaatlarda qayd etilgen devlet içinde alınğan kişilerge devletten kefaletli tarzda yardım alacaqlar.

Haberdar etkenimiz kibi, mezkür Cedvel, Mudafaa nazirliginiñ tasdılamasınen ve maqbul vilâyet, Kıyv şeer arbiy memuriyetleriniñ teklifleri esasında şekillendirilir.

Esaslanğan üç kriteriy bar. Olarnıñ arasında:

• vaqtınca işğal etilgen topraqlar;

• qırşavlanğan (bloklanğan) topraqlar;

• faal arbiy areketler olğanı topraqlar.

Böylece, mezkür vilâyetlerniñ birinde qayd olsañız, cedvelde cemaatıñız olmasa, siziñ arbiy memuriyetiñizge hitap etmege tavsiye etemiz (şahsen ya da “sıcaq hat” vastasınen) ve malümatnı soraya bilirsiñiz.