Tolu miqyaslı tecavuzdan soñ Stabislav Kuleş Severodonetskten Kıyivge köçti.

Cenk onıñ ana şeeri, evi ve sevimli işini aldı, amma adam elleerini taşlamadı ve ayat işini yapmağa – insanlarnı sportqa aşıtmağa devam etti.

İdmannıñ mahsus üslübi – ormanda, damda ya da diceynen dersler. O, Bazar künü saba maalinde insanlarnı toplaya bilir. Bu tür idmanlarnıñ daimiy iştirakçileri – Severodonetskten qızlar ve oğlanlar. Evlerine kibi özüni duymaq içün Stanislavnıñ derslerine baralar.

‘Rus ordusı bizim şeerlerimizni viran etti, bombalaştırdı, amma alâqamız, dostluğımız ve taqımda işdeşligimizni viran etmedi ve etemeycek’, – dep sport areketiniñ iştirakçisi añlata.

İdmancı kıyivliler ve şeerniñ musafirlerini kütleviy bir sport terapiyasına davet ete. Er Bazar künü Kıyivdeki ‘Rusanivets’ stadionında stersske qarşı idmanlar keçirile. Bütün ukrainalılar içün Stanislav mahsus bir çelenc teklif ete: 50 çökip oturma – USQne 50 grn, 1 km qoşma – askerlerge 100 grndır.

‘Siziñ içün faydalı bir bedeniy vazife yaptıñız ve bizim Silâlı Quvetlerimizga yardım ettiñiz’, – dep adam ayta.

İdmanlarnıñ yeri: Kıyiv şeeri, İhor Şamo bulvarı, 12-a.

Alâqa telefon nomerası: 044 295 9966