Rfnıñ Ukrainağa qarşı silâlı tecavuzı neticesinde azatlıqtan marum etilgen insanlarnıñ tanınması ve içtimaiy qorçalamalarına yönelişli tedbirlerniñ yerine ketirmesinen bağlı meseleler üzerinde idareler arası eyyet bu aftaki oturışta bu ödeme 170 ukrainalığa bermege qarar tasdıqlandı.

Bu insanlar 2014 senesinden rfnıñ Ukrainağa qarşı silâlı tecavuzından başlap farqlı zamanlarda esir etilgen ve ya azat etilgen ya da alâ daa işğalciler tarafından tutulğandır.

Bu cümleden, İdareler arası eyyet 111 ukrainalını rfnıñ silâlı tecavuzı neticesinde azatlıqtan marum etilgen olaraq tanıdı. 2022 s. fevral ayınıñ 24-ünden soñ lardan 103-ü azat etildi. Olarğa 100 biñ grivnalıq bir kerelik para yardımı ödenecektir.

Bundan ğayrı, eyyet qanunsız olaraq azatlıqtan marum etilgen ukrainalılarnıñ 59 ailesine uquqiy yardım içün 100 biñ grivnalıq ödemeni tayin etti. Şu anda cemiyet, siyaset ya da zenaat faaliyeti sebebinden olar işğal memuriyeti ya da rf akimiyet organları tarafından apishanede tutulmaqtadır.

Hatırlatamız ki, Reintegratsiya nazirligi rusiyeniñ qanunsız olaraq epis etilgen ve şu anda endi rus esirliginden azat etilgen ukrain vatandaşları ve ailelerine ödemeler yapmağa devam ete.