rusiyenen cenkniñ ilk künlerinden devletimizni destek eterek Lehistan dünyağa devletler arası munasebetlerniñ yañı seviyesini kösterdi, dep Ukraina vitse baş naziri İrına Vereşçuk Lehistanğa iş ziyareti vaqtında qayd etti.

Böylece, Ukrainanıñ ABne kelecek yolunnıñ esasları arasında Lehistannen iqtisadiy ve siyasiy alyanstır, dep memur inandırdı.

‘Avropa Birligine namzetleştirüv vaqtında bizim advokatımız oldıñız. Dünyadan silâ sorağanımız vaqıt siz Brüsselge, Vaşınhtonğa, dünyanıñ bütün paytahlarına bizim advokatlarımız kibi ketip bizim ve bütün düyanıñ telükesizligi içün destek talap ete ediñiz. Bütün yuqarı platformalarda bizim, Ukraina aqqında laf etmege qorqmaysıñız. İnanam ki, tamam bu tür geosiyasiy alyansnıñ kelecegi bar!’, – dep İrına Vereşçuk bildirdi.

O qayd etti ki, Ukraina Lehistannıñ kelecek ve muntazam destegine ümüt ete.

‘Men bilem ki, boldurmaycaqsıñız, boşatmaycaqsıñız, biz beraber cenkleşecekmiz, ve birlikte ğalebe mıtlaqa qazanacaqmız. Bizm ğalebemiz siziñki de olacaqtır!’, – dep vitse baş nazir hulâsa çıqardı.