Pasport bilgileriniñ daa oñayltı vesiqalaştırılması içün Ukraina DMHniñ Baş idaresi Harkiv vilâyetiniñ Pervomaysk, Çuhuyivsk ve Zmiyiv rayonlarında işğaden azat etilgen topraqlarğa azamiy olaraq yerleşken DMHniñ bölükleri yañıdan işley. Şu anda Ukraina DMHniñ Bİniñ Harkiv vilâyetindeki  Balakliya vr Şevçenko rayonınıñ bölüklerini yañıdan çalışma işleri yapıla.

Bu cümleden, Harkiv vilâytetiniñ DMHniñ Bİbiñ Pervomaysk bölügi tamamınen çalışmağa başladı. İnsanlar ID-kartlarnı, tış ülkelerge ketmek içün pasportlarnı vesiqalaştırmağa ve fotoresimlerni deñiştirmege hitap eteler. Ziyaretçilerniñ 5-10 faizi işğalden azat etilgen topraqlarnıñ sakinleridir.

Harkiv vilâyetiniñ migratsiya hızmetiniñ Çuhuyiv bölügi de çalışmağa başlay. Bölükniñ işçileri vatandaşları semereli olaraq qabul etmek içün çoq ğayert köstereler.

DMHniñ Bİniñ Zmiyiv bölügi de bütün memuriy hızmetlerni bere. Bir qaç kün boyunca bölükke deyerli elli ukrainalı hitap etti. Hitaplarnıñ çoqusı ID-kartnı vesiqalaştıruv, coyulğan vesiqalarnı yañıdan aluv ve vesiqalarnı deñiştirüv ceryanlarınen bağlıdır

Balakliya ve Şevçenko bölükleri ziyaretçilerni alâ daa qabul etmeyler. Amma azırlıq işleri faal olaraq yapıla. O açqanına qadar İATda avtobus vastasınen ketken mahsus olaraq teşkil etilgen mobil gruppa işğalden azat etilgen topraqlarnıñ ealisine kerekli hızmetlerni  berecek. O, AGMniñ isteginen çıqacaq. Vatandaşlarnıñ prioritetli kategoriyası şunu: 14 yaşındaki Ukraina vatandaşı pasportını vesiqalaştırmağa ilk kere hitap etken, pasportları coyğan ya da yoq etken kişiler.