burger

Reintegrtasiya nazirligi esirlikten azat etligen ukrainalılarğa 9,6 mln ayırdı

Опубліковано 1 October 2022 року, о 12:55

Ukrainanıñ vaqtınca işğal etilgen topraqlarınıñ reintegrtasiya meseleleri nazirligi, rus esirliginden azat etilgen ukrainalılarğa 9,6 mln grn ödedi. Daa 3,4 mln grn rus esirliginden endi azat etilgen ukrainalılarğa yollandı. Müessiseler arası eyyet olarnı rusiyeniñ silâyı tecavuzı neticesinde azatlıqtan marum etilgen olaraq tanıdı.

Bir kerelik para yardımı 96 sabıq esir aldı. Olarnıñ 57-si rfnıñ tolu miqyaslı tecavuzından soñ azat etildi. Epsileri 100 biñ grn aldılar.

Mezkür yardım esirlikten azat etilgen başqa Ukraina vatandaşlarına da berilecek.

Hatırlatamız ki, Ukraina Nazirler Kabineti Reintegratsiya nazirliginiñ teşebbüsini destek etti. 2022 senesi içün Devlet bücetinde nazirlikke esapqa alınğan deyerli 47 mln grn esirlikten azat etilgen ukrainalılarğa ve alâ daa esirlilkte bulunğan kişilerniñ ailelerine ödemege teklif etildi. Sentâbr ayınıñ 30-ındaki oturışta maqbul bir qarar tasdıqlandı.