Keçken tek 2 ay boyunca 115 biñden ziyade Ukraina vatandaşı em de Donetsk vilâyetinden mecburiy tahliye çerçivesinde soñ derecede telükesi bölgelerden, vaqtınca işğal etilgen ve keçenlerde azat etilgen topraqlardan ayırdı. Umumen tolu miqyaslı tecavuznıñ başlanğıcından millionlarca ukrainalı öz evinden ayırmağa mecbur edi.

Ayrıca keçenlerde işğalden azat etilgen şeerler ve köylerden insanlar tahliye eteler. Bu cümleden, Harkiv vilâyetinden 15 biñden ziyade vatandaş tahliye etildi. Çoqusı allarda olarnıñ aralarında balalarnen qadınlar, qart ve az mobil insanlar.

“Keçenlerde işğalden azat etilgen topraqlarda bulunğan er kesni vaziyetke cevapkâr tarzda diqqatnen baqmağa daa bir kere çağıramız. Çoq şeer ve köyniñ astyapısı duşman tarafından pek bozuldı. O alâ daa yaşayış temainatı bütü sistemalarını yq etmege tırışa, azat etilgen meskün yerlerni ateşke tuta. Biz er şeyni temir etecekmiz ve yañıdan quracaqmız. Amma şimdi mında olmaq telükelidi. İmkânıñız olsa, qış mevsiminden evel çıqmağa rica etem”, – dep Ukrainanıñ vaqtınca işğal etilgen topraqlarınıñ reintegratsiya meseleleri naziriniñ muavini Oleksiy Boroday çağırdı.

Hatırlatamız ki, Reintegratsiya nazirligi tahliye ve gumanitar yardım meseleleri çat-botunı işletti. Telegramda bağlantını tapa bilirsiñiz:  Minre_1548_Help_Bot.