Tünevinden başlap Harkiv vilâyetiniñ azat etilgen topraqlarınıñ daa 835 sakini bir kerelik 1200 grnlıq para yardımını aldı. Bugün Kupyansk rayonınıñ üç köyüniñ ve Petrivka köyüniñ sakinlerine para bermege başladılar.

Yañı bilgilerge köre, Herson vilâyetindeki işğalden azat etilgen bölgelerniñ 1167 sakini naqıt para aldı. Şu anda Ukrpoşta Pervomayske, Bila Krınıtsâ, Karyerne, Kamyane kibi meskün yerlerde ödemeler yapmağa devam ete.

Bugünden başlap Donetsk vilâyetiniñ azat etilgen Lıman şeerinde Ukrpoştanıñ turğun bölügi çalışmağa başlay. Bu, şeerniñ bütün sakinlerine ödemelerni berüv ceryanını çabikleştirecek. Oktâbr ayınıñ 11-inde Donetsk işğalden azat etilgen vilâyetinde yaşağan 877 kişi umumen 1 milliondan ziyade grivnalıq yardım adlı.