Harkiv vilâyetiniñ azat etilgen topraqlarınıñ sakinlerine 15,5 mln grivna endi ödendi. İşğalden azat etilgen 49 meskün yerniñ 13 biñden ziyade sakini bir kerelik 1200 grnlıq yardım aldı.

Soñ bilgilerge köre, Herson vilâyetiniñ azat etilgen topraqlarındaki 1800den ziyade vatandaşqa para ödendi. Keçenlerde Novovorontsov ve Vısokopillâ topraq cemiyetleriniñ sakinlerine maliyeviy yardım ödendi.

Donetsk vilâyetiniñ işğalden azat etilgen bölgelerindeki deyerli 1700 kişi para aldı. Şu anda Svâtohirsk ve Lıman topraq cemiyetlerinde para ödenmege devam ete. Bu cümleden, Ukrpoşta Lozove, Ztskovka ve Şandrıholove köyleriniñ sakinlerine naqıt ketirmege başladı. Bundan ğayrı, işğalni yaşağan vatandaşlar, Halqara migratsiya teşkilâtından 2200 grnlıq para yardımını almağa başladılar. Böylece, Lıman ve Svâtohirsk şeerlerinde deyerli buçuq million grivna endi ödendi.