FVDHniñ 20 taqımı ve Naqliyat devlet mahsus hızmetleri tehnikiy aletler ve şahsiy saqlanma eşyalarını: maden detektorlar, zırhlı migferler, zırhlı yelekler, mina tralları, keniş çerçiveli maden qıdırıcılar, zırhlı ekskavatorlar ve ukrain pirotehnikacılarına topraqlarımıznı patlayıcı şeylerden temizletmege yardım etecek başqa tehnikanı alacaq.

Reintegratsiya nazirliginiñ taqımınıñ BMTnıñ leyhalarnı hızmet etüv idaresiniñ vekillerinen iş toplaşuvında bu aqqında haber berildi.

Qayd etemiz ki, Ukrainada BMTnıñ LHEİ, uquqnıñ yuqarlığı, içtimaiy qorçalama, iqtisadiy artuv, etrafnı saqlav, minasizlaştıruv, sağlıq qorçalav saalarındaki islâatlarnı faal olaraq destek ete.