Devlet yardımını aydan çoq vaqıt bekleysiñizmi? – bu aqqında haber etiñiz. Tek içtimaiy qorçalama organlarına ya da Memuriy hızmetler merkezine degil, Reintegratsiya nazirliginiñ 24 saat işlegen buhran meseleleri 15-48 sıcaq hattına ya da DAK meseleleri vekiliniñ ofisiniñ sıcaq hattına +38 (066) 813-62-39 da hitap ete bilirsiñiz.

Keçenlerde köçip kelgen bir aile – Tetâna Zelena ve 10 yaşındaki qızı Mariya – devlet yardımınıñ ödenmesini aldı. Mart ayından tehnikiy sebeplerden olar para almay ediler.

Bundan evel media vastasınen Tetâna yardım almaq içün “Snidanok z 1+1” studiyasınıñ musafiri olğan vitse baş nazir İrına Vereşçukqa muracaat etti.

Tetânanıñ ikâyesi tipiktir. Fevral ayınıñ 24-ünde tolu miqyaslı tecavuz olğanda balasınen o, Kıyivden Bila Tserkva rayonındaki Vilşanska Novoselıtsâ köyüne tahliye etti. Köy şurasında DAKniñ sicilinde qayd etildi. Faqat bundan soñ balasınen qadın sicilden silindi ve haber almadı. Tetâna aqiqat malümatnı ögrenemedi.

“DAK vaqtında ödemeler almasalar, bizge, maña hitap etsinler. Reinetgratsiya nazirliginñ buhran meseleleri 15-48 sıcaq hattı 24 saat işley. Ya da messencerler vastasınen, nasıl isteseñiz, hitap etiñiz. Hitaplarnıñ er bir şeklini baqamız. Ükümette, bu tür meselelerni çezgen bir taqım çalışa: İçtimaiy siyaset nazirligi, Raqam nazirligi, Reinetgratsiya nazirligi. Çoqusınıñ meseleleri endi al etildi. Böylece, lütfen, hitap etiñiz – yardımcı olacaqmız! Devlet ödemelerini yollanacaqtır”, – dep İrına Vereşçuk qayd etti.