Küz-qış mevsiminde işğalcilerden azat etilgen topraqlarda ve ukrain şeerlerinde qızdıruv noqtaları abadanlaştırıla. Şu anda vilâyet arbiy memuriyetleriniñ operativ ştablarınıñ mütehassısları, bu tür noqtalarğa ihtiyac duyğan yerlerni tesbit eteler.

Umumen işğalden azat etilgen bölgelerge FVDH 400 statsionar ve 100 mobil qızdıruv noqtasını abadanlaştırmağa azırdır. Anda isinmek, telefonlarnı yüklendirmek ve aşamaq mümkün olacaqtır.

Buna uyğun şartlarnen binalarda bu statsionar qızdıruv noqtaları yerleştirilecektir. Olar arasında memuriy binalar, oquv yurtları, medeniyet müessiseleri ve ilâhre.

Bundan ğayrı, Fekulâde vaziyetler devlet hızmetiniñ Avropa komissarınen generatorlarnen abadanlaştırılğan biñ mobil qızdıruv noqtalarını berüv aqqında bir añlaşması bar. Olar, vilâyet arbiy memuriyetleriniñ hitaplarına mücibi telükeli, cebege yaqın ve keçenlerde azat etilgen bölgelerge üleştirilecektir.

Ukrzaliznıtsâ da qızdıruv noqtalarını azırlay – devlet içinde alınğan kişilerni qabul etken vilâyet ve rayon merkezleriniñ eñ az 30 demiryol vokzalınıñ binalarında abadanlaştırılacaqtır. Anda vatandaşlar çay, qave ala ve isine bilirler.

Bu binalar energiyağa bağlı olmaycaq ve Ukrainadaki Qırmızı Haç Teşkilâtından generatorlarnen abadanlaştırılacaqtır. Şu cümleden, Zaporijjâ (2), Vinnıtsâ, Hmelnıtskıy, Kamyanets-Podilskıy, Berdıçiv, Rivne, Krıvıy Rih (2), Kovel, Kolomıya, Mukaçevo, Truskavets, İvano-Franskivsk, Çernivtsi, Çopi, Ujhorod, Jıtomır, Mıronivka, Çernihiv, Trostânets, Sumı, Harkiv, Odesa, Çerkası, Kropıvnıtskıy, Berdıçiv, Ternopil, İlbav (2) şeerleriniñ vokzallarında, “Taras Şevçenko” ve “Darnıtsâ” stantsiyalarında.

Keçenlerde işğalden azat etilgen topraqlarda yerleşken qızdıruv noqtalarınıñ cedveli ve bulunğanları yerler, FVDHniñ bölge satytlarında yaqın kelecekte yayınlanacaqtır.

Beklenilir ki, bu qış qıyın olacaq, bunıñ içün işğalden azat etilgen topraqlarnıñ sakinlerini beklememeye ve eñ telükeli bölgelerden tahliye etmege daha bir kere çağıramız.

Hatırlatamız ki, tahliyenen bağlı sualleriñiz olsqa, Reintegratsiya nazirliginiñ 15-48 sıcaq hattına hitap etiñiz ya da WhatsApp/Telegram/Viber qullanımları vastasınen +38 (096) 078-84-33 nomerağa yazınız. Bu, net ülkelerden ve VİETdan telefon etmek içün bir sıcaq hat