Bugün esirlerniñ daa bir miqyaslı deñişmesi keçirildi. Ukrainağa 107 mudafaacı qayttı, olardan 74-ü – Azovstalnıñ qorçalayıcısıdır.

Deñişme neticesinde evine 6 zabit ve 101 adiy asker ve serjant qayttı.

Deñişme Prezident Ofisi, İstihbarat Baş İdaresi, Ukraina Mudafaa Nazirligi ve Ukraina Telükesizlik Hızmetiniñ ve başqa quvet müessiseleriniñ yardımınen keçirildi.

Ükümetniñ keçken qararına mücibi, Milliy Malümat Bürosı azat etilgen mudafaacılarnı içtimaiy qorçalamanen teminat ilk tedbirlerini koordinatsiya ete. Bu tek yaqınlarınen toplaşuvlar ve acele alâqa degil. Bu da ilk kerekli eşyalarnen teminat, vesiqalarnı ve bank kartlarını yañıdan vesiqalaştırmağa yardım, tibbiy baquv, kefaletli uquqiy yardım ve başqa çoq şeydir. Milliy Malümat Bürosınıñ koordinatsiyası yardımınen muayyen cevapkâr müessiseler bunı yapalar.

Bugün evlerine kelgen askerler yaqın kelecekte reabilitatsiya, adaptatsiya ve tedviylev kursını keçirecekler.