Bücette devlet içinde alınğan kişilerge ödemeler içün para mevcuttır. Umumen 42 mlrddan ziyade grivna endi ödendi. “Rada” telekanalında malümat marafonı vaqtında vitse baş nazir İrına Vereşçuk bu aqqında haber berdi.

O şunlarnı hatırlattı: yaşama içün saqatlılarğa ve balalarğa aylıq devlet yardımı 3 biñ grvina, başqa DAKge ise 2 biñ grivnadır.

Vitse baş nazir añlattı ki, Reintegratsiya nazirliginiñ sıcaq hattına ve onıñ şahsiy messencerlerine köçip kelgenler hitap eteler ve ödemelerni almağanları içün yardım soraylar. Aile vaziyetlerine baqaraq, olar öz başlarına bütün kerekli areketlerni yapmağa yetiştirmeyler, bunıñ içün olarğa yardım etmek kerek.

“Men vilâyet arbiy memuriyetlerine muracaat etem ve bu ceryanğa qatılmağa çağıram. Şu cümleden, DAKnen maqbul iş keçirmege – kimniñ ödemelerni aluv ceryanınen meseleri olmalarını ögrenmege, sicillerni yazıp bizge bermege çağıram. Bunı merkezleşken tarzda al etmege yardımcı olacaqmız”, – dep İrına Vereşçuk hulâsa çıqardı.