Keçenlerde işğalden azat etilgen topraqlarnıñ ealisiniñ çoq generatorğa ihtiyacı bar, dep “Suspilne”niñ canlı yayınında vitse baş nazir İrına Vereşçuk añlattı. Şu anda insanlarğa bu aletlernen yardım, keş-destegi ve gumanitar yardım kibi müimdir.

Generatorlar ve qızdırıcılar, çoq qızdıruv noqtasını abadanlaştırmağa, evler, memuriy binalar ve hastahanelerni qızdırmağa yardım etecekler.

VİETğa qızdırıcı aletlerniñ ketirilmesini çabikleştirmek içün bu afta Ükümet, olarnıñ çet ülkelerden ketirilmesini sadeleştirdi: italciler, bergilerden azat etile, dep memur qayd etti.

“Vaziyet inanılmaz: dünyada qızdıruv aletlerge ve generatorlarğa o qadar bütün ihtiyac asla olmadı. Akimiyet olaraq biz er vaqıt vilâyet arbiy memuriyetlerinen alâqa quramız. Kimniñ ve nege ihtiyaclarını bilemiz ve yardımcı olacaqmız. Halqara teşkilâtlarnı qatılmağa da çağıramız! Suvuqnı beraber yeñmelimiz!” – dep İrına Vereşçuk qayd etti.