Balakliyada çalışqan notariuslar bugünden şeerniñ sakinlerine notarius hızmetlerini bere bilirler.

Bu afta Reintegratsiya nazirligi, maqbul bölgeniñ notariuslarınıñ bir hitabı aldı. Anda olar notarius hızmetleri içün kerekli sicillerge yañıdan irişim bermege rica eteler.

Balakliyanıñ endi eki ay evel işğalden azat etilgenine köre, şeerge qaytqan daa çoq vatandaşnıñ mezkür mütehassıslarnıñ hızmetlerine ihtiyacı bar.

Adliye nazirliginiñ acele qarışılığı yardımınen, Balakliya şeerindeki notariuslarnıñ yekâne ve devlet sicillerine irişim yañıdan berildi.

Bugünden olar sicillernen tolunen çalışa ve şeercilerge öz hızmtlerini bere bilirler.