“Ğalebege biletler” leyhası başladı. İstegen er kes Kıyivden beş şeerge: endi azat etilgen Hersonğa, Mariupol, Donetsk, Luhansk ve Aqyar şeerlerine ilk üç reyske hayriye biletlerni ala bilir.

Efsaneviy “Ğalebege tren” reys yapacaq. Onıñ vagonları, Ukrainanıñ vaqtınca işğal etilgen topraqlardaki insanlarğa bağışlandı.

Teşebbüsniñ ortaqlarınıñ saytında “Ğalebege biletler”ni almaq mümkün.

Marşrut, şeer ya da bölge vaqtınca işğalden azat etilecek soñ açılacaqtır. Biletni alğanda yazılğan elektron poçtasına reys olacaq 12 saat evel Ukrzaliznıtsâ vagon, yer ve tarihnen bağlı malümat yollaycaqtır.

Bütün biletler hayriye: olardan para, UNITED24 platforması vastasınen, işğalden azat etilgen topraqlardaki şeerler ve qasabalarnı eñ yaqın demir yol ağlarınen bağlamağa yardımcı olacaq maşnalarnı almaq içün qullanılacaqtır. O yerlerden ise Ukrzaliznıtsânıñ trenleri, devletniñ er bir yerine ketirecekler.