Ukraina vitse baş naziriniñ ve Lehistan Ükümetiniñ teşebbüsinen teşkil etilgen Minnetli aziz azapçı Klımentiy Şeptıtskıy adına fond, esirlikten azat etilgen ukrain qadınlarını ve cenk sebebinden öksüz qalğan balalarnı destek ete.

Hayriye fond çalışmağa başlağandan berli 143 qadınğa ve 396 balağa para yardımını bermege endi qarar berdi.

Şeptıtskıy fondu, esirlikten azat etilgen qadınlarğa bir kerelik tahinen 80 biñ grivnalıq yardım ödey. Cenk sebebinden ya bir ya da eki ana-babasını ğayıp olğan balalarğa aylıq 5 biñ grn 18 yaşına qadar ödey.

Bugün noyabr ayınıñ 14-ünde Nazirler Kabinetiniñ Klubında vitse baş nazir İrına Vereşçuk ve Lehistan Ükümetiniñ vekilleri, esirlikten azat etilgen qadınlarnen ve cenkniñ öksüz balalarınen körüştiler.

Leh vekilleri aralarında Lehistan Cumhuriyeti Seyminiñ vitse spikeri Malgojata Gosevska, Lehistan Cumhuriyeti Nazirler Şurasınıñ azası-nazarı Mihal Dvorçık, Lehistan Cumhuriyeti Prezidentiniñ Kantselâriyasınıñ başı Voytseh Kolârski ve başqa mebuslar bar edi.

Körüşüv vaqtında azat etilgen qadınlarğa ve cenk sebebinden öksüz qalğan balalarğa para sertifikatları ve ediyeler berildi.

İrına Vereşçuk, Ukrainanı taraflı destek etmeleri içün Lehistan Ükümetin ve leh halqına teşekkür bildirdi.

“Siziñ açıq göñülden yardımıñız içün sağ oluñız! Bu, yahşı qomşulıqnıñ ve ortodoks sevginiñ misalidir”, – dep memur qayd etti.