Bugün işğalden azat etilgen şeerniñ pensiyacıları ilk pensiya ödemelerini almağa başladılar – Ukrpoştanıñ eki statsionar bölügi çalışmağa başladı, olardan biri – merkeziydir. Hersondaki baş bölükniñ açması, tek şeerni degil, em de vilâyetni ödemelernen temin etmege imkân berecek.

Endi yarın işğalden azat etilgen Herson şeerinde bölüklerini açmağa planlaştırğan devlet bankları, şu cümleden Oşçadbank ve PrıvatBank, bütün içtimaiy ödemelerni almağa yardım etecekelr.

Hatırlatamız ki, işğalden azat etilgen şeerniñ yañıdan qurulmasını beklemek içün ondan tahliye etmege qarar berecek vatandaşlar da devletten maliyeviy yardım alacaqlar. Olarğa, kelecekleri yerde ödemeler berilecektir. Bu, yetşikenlerge bir kereklik 2 biñ grn, balalarğa ve saqatlı kişilerge 3 biñ grndır.

Reinetgratsiya nazirligi, ealige eñ acele tarzda para bermege başlamaları içün “Ukrpoşta” AT ve Ukraina pensiya fondunıñ reberliklerine teşekkür bildire.