Ukraina Nazirler Kabineti, arbiy areketler neticesine bozulğan kritik ve içtimaiy astyapını yañıdan qurmaq içün Herson VAMne 100 mln grivna üleştirmege qarar beredi.

Para, bücetniñ yedek fondundna ayırılır ve şu cümleden bozulğan obyektlerni teşkermek; viran etilgen binalarnı demontaj yapmaq; divarlar, qapılar, qarçığalar, damlarnı tamir etmek, kerekli qurucılıq malzemeleri ve mahsulatnı almaq; qızdıruv, gaz, elektrik ve suv teminatınıñ tış ve iç ağları ve sistemalarını tamir etmek içün üleştirilecektir.

Herson vilâyet arbiy memuriyeti, Cemiyetler ve topraqlarnıñ inkişafı nazirliginen iş ve masraflar cedvelini uyğunlaşmalı ve 2022 s. dekabr ayınıñ 30-ına qadar para qullanuvı aqqında esabat etmeli, dep emirde qayd etildi.