Gumanitar cebeni inkişaf etmege devam etemiz. Soñ bilgilerge köre, işğalden azat etilgen topraqlardan 228 biñden ziyade ukrainalı tahminen 9 tonnalıq gumanitar yardım aldı.

Aynı zamandatahminen işğalden azat etilgen topraqlarnıñ 48 biñ sakini, halqara donorlardan 65 million grivnalıq para yardımını aldı.

İşğalden azat etilgen topraqlar meseleleri koordinatsiya ştabınıñ matbuat brifingi vaqtında Ukraina vitse baş naziri İrına Vereşçuk bu raqamlarnı seslendi.

“İşğalni başlarından keçirgen insanlarğa paranen yardım etmek kerek. Olarnıñ eñ kerekli eşyalar ala bilmeleri içün. Bu yönelişte işdeşlik içün Ukrainadaki Qırmızı Haç Teşkilâtına ve Halqara migratsiya teşkilâtına teşekkür bildirem. Üçünci olğan BMTnıñ qaçaqlar meseleri yuqarı komissarınıñ idaresi de maliyeviy yardım bermege azır. Tamam Hersondan başlamağa planlaştıramız. Şeercilerni eñ çabik tarzda paranen destek etmelimiz. Bu, qış keçirmege yardım etecek”, – dep Reintegratsiya nazirliginiñ reberi haber berdi.

Şu anda Ukrainanıñ er bir yerinden hersonlılarğa yardım yollana. Şu cümleden, aşayt mahsulartı, şeerniñ sakinlerine şu anda soñ derecede kerekli olğan suv, gigiyena eşyaları, ilâçlar, qış urbası, yorğanlar, generatorlar, fenerler, çıraqlar. Bugün Herson vilâyetine 500den ziyade tonnalıq gumanitar yardım ketirildi.