burger

İrına Vereşçuk: Herson – bizim dayanıqlığımız temsilidir

Опубліковано 19 November 2022 року, о 17:42

Herson vilâyet arbiy memuriyeti ögündeki meydanda şeerciler ögünde vitse baş nazir çıqış yaptı.

“Mında, işğalden azat etilgen şeerniñ timsali olğan Svoboda meydanında olmağa bahtılm. Ruh küçüñiznden ayran qalam. Siz yeñilmegensiñizdir!” – dep İrına Vereşçuk şeercilerge muracaat etti.

O, Ükümetniñ Herson şeeriniñ sakinleriniñ ihtiyaclarını bilgenine inandırdı. Keçenlerde işğalden azat etilgen başqa şeerler ve köylerniñ sakinleriniñkilerni de.

Şu anda Reintegratsiya nazirliginiñ işğalden azzat etilgen topraqlarda eki esas yönelişi bar gumanitar qarşılıq ve yañıdan quruv, dep memur haber berdi.

Birinciden ükümet, işğalni başından keçirgen insanlarğa yardımcı olmaq içün çalışa. Eñ esas şey – yaşayış teminatı bütün sistemalarını eñ acele tarzda yañıdan qurmaq kerek.

İlk tedbirler arasında – ealini malüyeviy destek, şu cümleden, bölgede pensiya ödene ve başqa içtimaiy ödemeler yapıla.

“Şeerniñ adiy yaşayışqa eñ çabik tarzda qaytması içün mümkün olğan er şey yapamız: devlet banklarınıñ, Ukrpoştanıñ bölüklerini açamız, kritik astyapını yañıdan quramız. Mında, bu meydanda, birlik ruhusı duyula, bu birlik bizni ğalebege yaqınlaştıra”, – dep İrına Vereşçuk qayd etti.