Herson vilâyetine em halqara teşkilatlardan, em de ülkeniñ başqa vilâyetlerinden gumanitar yardım yollanmağa devam ete. Herson vilâyetiniñ sakinlerini eñ kerekli eşyalarnen temin etmek maqsadınen er kes birleştire.

Reintegratsiya nazirligi, halqara teşkilâtlarnen işdeşlik yapmağa devam ete: İşğalden azat etüv meseleleri koordinatsiya ştabınıñ oturışı vaqtında keçenlerde işğalden azat etilgen topraqlarğa yañı gumanitar yardımnen yük maşnalarını yollamağa añlaştılar.

Keçenlerde HErsonğa UNICEFten yardım ketirildi. Yerli eali gigiyena eşyaları, yorğanlar, içilir suv, bala urbası ve generatorlarnı aldılar.

Başqa hayriye ve göñülli teşkilâtlar da 80 tonnalıq gumanitar yardımnı Herson şeerine yolladılar.

Bundan ğayrı, Herson vilâyetinde yardım berüc merkezleri ve “Dayanıqlıq noqtaları” çalışmağa başladılar. Anda insanlar em isine, sıcaq içimlikler ve aş ala, telefonlarını yüklendire ve internet qullana bilirler.

Hatırlatamız ki, Herson gumanitar habınıñ sıcaq hattı çalışa, (066) 637-49-85 nomera vastasınen oña hitap etmek ya da (098) 176-16-98 nomerağa Viber, Telegram, Signal, WhatsApp qullanımları vastasınen beyanat yazmaq mümkün.