“Suspinde” TKndeki umumiy milliy marafonnıñ canlı yayınında vitse baş nazir İrına Vereşçuk bu aqqında haber berdi. O diqqatnı şuna celp etti: fondnıñ leyhalarından biri – tek askerler olğan degil, em de grajdan olğan bir ya da eki ana-babasını coyğan ukrain balalarını destek etmektir. O faal etmege başlağandan berli – yani bu sene avgusta ayından berli – deyerli 800 ödeme arizası alındı. Olardan tahminen 400 balasına dair müsbet qarar endi berildi.

“Bu tür destek pek müimdir. Beraber biz dayanacaqmız ve ğalebe qazanacaqmız”, – dep İrına Vereşçuk ayttı.

Hatırlatamız ki, cenk sebebinden bir ya da eki ana-babasını coyğan 18 yaşına yetişmegen balalarğa aylıq ödemeniñ miqdarı 5000 grivnadır.

Fondnıñ saytında yardım arizasını vesiqalaştırmaq mümkün.

Sadece formanı toldurmaq kerek.

Kerekli vesiqalar:

– vasiy-arizacı kişiligini tasdıqlağan vesiqa ve para yardımınıñ vastasız alıcı olacaq balanıñ vesiqası (şahsiy malümat ve fotonen saifeler);

– bala doğma şeadetnamesi;

– ana-babasınıñ ölümi şeadetnamesi;

Merkür vesiqa olmasa:

– ana-babasınıñ habersiz ğayıp olmasını tasdıqlağan vesiqası;

– balanı vasiylik etüv ceryanını tasdıqlağan vasiyniñ vesiqası.

Sulleriñiz peyda olsa ya da malümat tafsilâtlıca ögrenmege isteseñiz, Milliy Malümat Bürosınıñ 16-48 sıcaq hattıa ya da +38 (093) 213-76-96 telefon nomerası vastasınen hitap etiñiz.