burger

Ükümet, qış vaqtında Hersonlılarnıñ zayıf kategoriyalarına bedava tahliye teklif ete

Опубліковано 21 November 2022 року, о 22:22

Ükümet, Herson şeerinden Krıvıy Rih, Mıkolayiv ve Odesa şeerlerine bedava tahliye teklif ete. Bundan soñ da Kirovohrad, Hmelnıtsk vilâyetlerine ya da Ukrainanıñ ğarbiy bölgelerine köçmek mümkün olacaq.

Meskende bedava yaşayış, gumanitar yardım, aşayt mahsulatı ve tibbiy destek bedava olaraq temin etilecek. Bundan ğayrı, vatandaşlarğa DAK malümatnamesini, devletten ve halqara teşkilâtlardan maliyeviy yardım vesiqalaştırmağa yardım etecekler.

Ukraina vitse baş naziri İrına Vereşçuk öz içtimaiy ağında Hersonlılarğa bu tür malümtnı yayınladı.

Memur, muracaatını şeerniñ sakinleriniñ zayıf kategoriyalarına yaptı. Şu cümleden, balalarnen qadınlarğa, qart, hasta ve az mobil olğan kişilerge. Ükümetniñ bu tür teşebbüsiniñ sebebi, Herson şeerindeki telükesizlik vaziyeti ve astyapınen bağlı meselelerdir.

Herson şeerinden tahliye etmege isteseñiz, istegiñizni bir qaç yolnen bildire bilirsiñiz:

1) Herson şeerindeki Svoboda meydanında yerleşken “Dayanıqlıq noqtası”nda şahsen özüñizni yazdıra bilrisiñiz;

2) (066) 637-49-85 nomera vastasınen Herson vilâyet arbiy memuriyetiniñ sıcaq hattına telefon ete ya da (098) 176-16-98 nomera vastasınen Viber, Telegram, Signal, WhatsApp qullanımlarına beyanat yaza bilirsiñiz;

3) Helping to leave göñülli teşkilâtınıñ çat-botuna yaza bilirsiñiz.

Bundan ğayrı, Reintegratsiya nazirliginiñ 24 saat işlegen 15-48 sıcaq hattına hitap ete bilirsiñiz. Ya da ReNazirliginiñ çat-botunı qullana bilirsiñiz.