Bugün esirlerniñ daa bir deñişmesi keçirildi. Ukrainağa daa 35 asker ve grajdan kişi qaytarıldı.

Esirlikten azat etilgenler aralarında “Azovstal”nıñ qorçalayıcıları, milliy gvardiyacılar ve tolu miqyaslı tecavuzı vaqtında Çernobıl AESnda bulunğanlar.

Bu cümleden, 22 milliy gvardiyacı, 8 sıñırıcı, arbiy-deñiz quvetleriniñ 4 askeri ve USQniñ 1 askeri muvafaqiyetnen qaytarıldı.

Deñişme Prezident Ofisi, İstihbarat Baş İdaresi, Ukraina Mudafaa Nazirligi ve Ukraina Telükesizlik Hızmetiniñ ve başqa quvet müessiseleriniñ yardımınen keçirildi.

Reintegratsiya nazirliginiñ Milliy malümat bürosı, azat etilgen mudafaacılarnıñ içtimaiy qorçalanmasını ve ilk yardımnı temin ete: yaqınlarınen telefon alâqası, ilk kerekli eşyalar, şahsiy vesiqalar ve benk kartlarını yañıdan vesiqalaştıruv, tibbiy yardım, uquqiy yardım v.b.