Mıkolayiv ve Herson vilâyetleriniñ işğalden azat etilgen topraqlarında Mahsus vaziyetlerde habersiz ğayıp olğan kişiler meseleleri vekiliniñ ofisiniñ qıdıruv gruppaları, mezar mümkün olğan yerlerni teşkermege devam eteler.

Qıdıruvcılar, işğalden azat etüvniñ ilk künden berli anda çalışmağa başladılar. Soñ derecede zor allarda çalışmağa mecburlar, çünki anda telüke vaziyeti alâ daa istiqrarlı olmay.

Şu anda ihtisaslar, tahminen 200 öldürilgen kişilerniñ bedenlerini qıdırıp identifikatsiya etkenleri 50 yerni teşkerdiler.

“Bizim qıdırıcılarımız, öz ayatlarını telükege ketirerek, çalışalar. Bütün ceryan çoq vaqıt ala ve pek qıyın, aylarca devam ete bilir. Bizge belli olmağan mezar yerlerini köstergen yerli sakinler taqımlarğa yardımcı olalar. Şu anda eñ kütleviy mezar İzüm şeerinde tapıldı, faqat başqa yerlerde de çoq insannen mezarlar tapmağa devam eteler”, – dep Oleh Kotenko añlattı.

Donetsk ve Harkiv vilâyetlerinde qıdıruv işleri keçirile, bedenler qazıp çıqarmağa ve identifikastiya etmege devam eteler.

Hatırlatamız ki, Mahsus vaziyetlerde habersiz ğayıp olğan kişiler meseleleri vekiliniñ sıcaq hattı çalışa: 0 800 339 247.

Raatlıq künleri Viber ve Telegramğa beyantalar yazıp yollamaq mümkün: (095) 896-04-21.

Mahsus vaziyetlerde habersiz ğayıp olğan kişiler meseleleri vekiline habersiz ğayıp olğan kişi aqqında haber bermek mümkün: (099) 792-01-26.