burger

Rus esirliginden daa 12 ukrain kişisi qayttı

Опубліковано 26 November 2022 року, о 15:05

Bugün esirlerniñ daa bir deñişmesi keçirildi  – Mariupol şeerini, Çernobıl AESnı ve Zmiyinıy adasını qorçalağan 9 ukrain askeri ve 3 grajdan kişi qaytarıldı.

Deñişme vaqtında arbiy-deñiz quvetleriniñ, Ukraina milliy gvardiyasınıñ askerleri, sıñırcılar, Topraq mudafaasınıñ askeri, ve üç vatandqaş – evliler ve habersiz ğayıp olğan sayılğan adam.

Deñişme Prezident Ofisi, İstihbarat Baş İdaresi, Ukraina Mudafaa Nazirligi ve Ukraina Telükesizlik Hızmetiniñ ve başqa quvet müessiseleriniñ yardımınen keçirildi.

Keçken afta 98 ukrain vatandaşı muvafaqiyetnen qaytarıldı.

Reintegratsiya nazirliginiñ Milliy malümat bürosı, azat etilgen mudafaacılarnıñ içtimaiy qorçalanmasını ve ilk yardımnı temin ete: yaqınlarınen telefon alâqası, ilk kerekli eşyalar, şahsiy vesiqalar ve benk kartlarını yañıdan vesiqalaştıruv, tibbiy yardım, uquqiy yardım v.b.

Hatırlatamız ki, Reintegratsiya nazirligi, halqara gumanitar uquqnıñ qaidelerinde esapqa alınğan (arbiy esirlerniñ ve vatandaşlarnıñ aqlarına riayet etüvge dair) tedbirlerni keçirmege vazifeli tayinlendi.