“Cenk vaqtında qıymetler” ukrain qadın kongressinde vitse baş nazir İrına Vereşçuk bunı qayd etti. Şu cümleden, tedbirde qadınlarnıñ yerli öz idaresindeki rolü mızakere etildi. Onıñ sözlerine köre, ukrain qadınalrı içün rusiyeniñ başlağanı tolu miqyaslı tecavuz mertlik, stress dayanlığı ve insan ayatlarını saqlağan qararlar bere bilmeleri imtianı oldı.

Memur hatırlattı ki, qadınlar duşmannen erkeklerniñ seviyesinde cenkleşeler ve cebe arqasında pek müim iş yapalar. Şu cümleden, gumanitar cebeni idare eteler: cemiyetlerniñ işi, tahliye ve gumanitar yükleriniñ ketirilmesini teşkil eteler, balalar ve hastalarnı baqalar v.b. Öz cemiyet faaliyeti içün çoq qadın ruhiy basımnı ve cebir başından keçirdi.

“İç bir putin şunı tüşünip olmadı: telükeli ve acele şartlarda bizim cemiyetimiz qorqmadı ve aksine öz eñ yahşı hususiyetlerini kösterdi. Ve bu bizim içün adiy bir şey, çünki bizde devletlik ve topraq öz idarelik geni bar. Mahdebur uquğı zamanlarından berli biz, öz halqımıznı qorçalamaq içün ne ve nasıl yapmağa genetik olaraq añlaymız”, – dep memur hulâsa çıqardı.