burger

Harkiv vilâyeti yanğan odun almaq içün daa 20 million grivna alacaq – Ükümetniñ qararı

Опубліковано 29 November 2022 року, о 15:53

Bugün Nazirler Kabineti, Harkiv vilâyet arbiy memuriyetiniñ yanğan odunnı alması içün 20 million grivnalıq subventsiyanı yañıdan üleştirüv qararını tasdıqladı. Böylece Harkiv vilâyeti, cebege yaqın zonalarnıñ sakinlerine bedava odunlarnı almaq ve ketirmek içün qoşma para aldı.

Sumı vilâyet arbiy memuriyetiniñ qullanmağanı subventsiya vastasınen para yañıdan üleştirildi. Vitse baş nazir İrına Vereşçuknıñ başlığınen oturışta Sumı vilâyet arbiy memuriyetiniñ maqbul teklifi destek etildi.

Hatırlatamız ki, Reintegratsiya nazirliginiñ teşebbüsinen oktâbr ayınıñ başlanğıcında Ükümet, soñ derecede telükeli bölgelerniñ ealini bedava odunnen temin etmek maqsadınen Devlet bücetinden yerli bücetlerge deyerli 563 million grvinalıq subventsiyanı üleştirmege tasdıqladı.

Noyabr ayınıñ soñunda ise Mıkolayiv ve Herson vilâyet arbiy memuriyetleri ve Harkiv, Çernihiv, Dnipropetrovsk, Sumı ve Donetsk vilâyetleriniñ topraq cemiyetleri, yanğan odunnı almaq içün orman hocalıqlarınen añlaşmalarnı imzaladılar ve cebege yaqın zonalarnıñ ealine odun ketirmege başladılar.