Bugün Mıkolayiv vilâyetindeki 48 meskün yer işğalden endi azat etildi. Şu anda bu topraqlarda yaşayış teminatı yañıdan yaratıla.

Kritik astyapı

İşğalden azat etilgen Snihurivka şeeri, Bereznehuvate qasabası ve Zelenıy Hay köyüniñ deyerli 3 biñ qullanıcısı içün elektrik teminatı yañıdan yaratıldı.

Snihurivka şeeri ve Ukrayinka köyüniñ sakinlerinde gaz yañıdan peyda oldı.

Snihurivka cemiyetiniñ 17 meskün yeriniñ ve Horohiv cemiyetiniñ 16 meskün yeriniñ sakinleri içün merkezleştirilgen suv teminatı yañıdan yaratıldı.

Alâqa

Soñ bilgilerge köre, Snihurivka şeerinde, Zasillâ ve Pervomayske qasabalarında, Vavılove ve Zelenıy Hay köylerinde mobil alâqağa irişim bar. Vilâyetniñ işğalden azat etilgen başqa meskün yerlerinde yañıdan quruv işleri devam etile.

Pensiya ödemeleri

Mıkolayiv vilâyetiniñ işğalden azat etilgen topraqlarına Ukrpoştanıñ mobil noqtaları pensiyanı ketireler. Vatandaşlarğa 8 million grivna endi ödendi. Şu cümleden Snihurivka şeeri, Tsentralne qasabası, Vavilove, Znamyanka ve Novokıyivka köyleriniñ sakinleri pensiya aldılar.

Gumanitar yardım

Vilâyetniñ işğalden azat etilgen topraqlarına endi 200 tonnalıq gumanitar yük ketirildi. Olar arasında aşayt mahsulatı, gigiyena eşyaları, qış urbası, qurucılıq malzemeleri v.b.