burger

Ukraina 49 öldürilgen qorçalayıcınıñ bedenlerini qaytardı

Опубліковано 6 December 2022 року, о 12:47

Quvetli müessiselernen beraber Mahsus vaziyetlerde habersiz ğayıp olğan kişiler meseleleri vekiliniñ Ofisi, öldürilgen qorçalayıcılarnı evlerine qaytarmağa devam ete.

Bugün öldürilgen askerlerniñ bedenleriniñ daa bir deñişmesi keçirildi. Ukraina daa 49 öldürilgen qorçalayıcısınıñ bedenini qaytardı.

“Şimdi quetli müessiselernen beraber mudafaacılarnıñ bedenlerini qaytarmaq içün mümkün olğan er şey yapamız. Öldürilgen qorçalayıcılarnıñ defn etilgen bedenleriniñ buluna bilgenleri yerlerni muntazam tarzda teşkereler. Bu soñ derecede qıyın ceryanlarğa qatılğan er keske teşekkür bildirem, çünki bizim qorçalayıcılarımıznıñ aqrabaları içün olarnen itibarlı tarzda vedalaşmaq müimdir”, – dep Oleh Kotenko qayd etti.

Mahsus vaziyetlerde habersiz ğayıp olğan kişiler meseleleri vekili vazifesi yaratqanından vaqıt, ayatını Ukrainanıñ mustaqilligi içün bergen 827 qorçalayıcınıñ bedenleri evlerine qaytarıldı.

Hatırlatamız ki, mahsus vaziyetlerde habersiz ğayıp olğan kişiler meseleri vekiliniñ sıcaq hattınıñ telefon nomerası vastasınen bölge merkezlerine hitap etmek mümkün: 0 800 339 247. Raatlıq künleri ise Viber ve Telegram qullanımlarına (095) 896-04-21 telefon nomerasına beyanat yazıp yollamaq mümkün.