Alman Ükümeti, “Ohmadıt”nıñ neyroameliy operatsiya odası içün, tibbiy müessisege yañı zemaneviy aletler ve techizatlarnı berdi. Almaniya Federal ükümeti, neyronavigatsiyalı aletlerni almaq içün 750 biñ yevro ayırdı. Bu, cenk sebebinden yaralanğan balalarnıñ sağlığını Ukrainada tedaviylemege imkân yaratacaq. Mezkür leyha – Ukrainanıñ vaqtınca işğal etilgen topraqlarınıñ reintegratsiya meseleleri nazirliginiñ Almaniya Ükümetinen çoq taraflı işdeşliginiñ neticesidir, dep Ukraina vitse baş naziri İrına Vereşçuk qayd etti. İrına Vereşçuk Almaniya Federal ükümetine, Ukrainadaki Almaniya elçisi Anka Feldhuzenge cenk sebebinden zarar körgen ukrainalılarğa çoq taraflı yardım etmeleri ve bu ceryand iştirak etmeleri içün açıq göñlünden minnetdarlığını bildirdi.
Reintegratsiya nazirliginiñ № 273 emrinen arbiy (cenk) areketler rayonlarında yerleşken ya da vaqtınca işğal etilgen, qırşavlanğan (bloklanğan) territorial cemaatlarnıñ cedveli yañartıldı. Umumen, şu anda cedvelde 9 vilâyetteki 331 cemaat buluna: Donetsk, Harkiv, Dnipropetrovsk, Luhansk, Zaporijjâ, Herson, Mıkolayiv, Sumı, Çernivtsi vilâyetleri. Mezkür cemiyetlerden bütün DAK devletten para yardımını alacaqlar.
Nazirler Kabineti, Reintegratsiya nazirliginiñ teklifinen razı olıp, Prezidentniñ qadınınıñ UNICEFnen umumiy orta tasil müessiselerine para yardımına dair orta leyhasını yerine ketirmek içün bir qarar tasdıqladı. Kerekli donatmalarnı alması ve mektep aşhanelerini tamir etmesi içün er bir mektepke 2000 AQŞ dollarılıq bir kerelik para yardımı ödenecek. Umumen 2 million dollarlıq bu gumanitar leyha, 450 biñ balanıñ oquğanı biñ mektepke yardım etecek.
Reintegratsiya nazirliginiñ teşebbüsinen Harkiv vilâyetiniñ işğalden azat etilgen topraqlarınıñ sakinlerine, evlerini ısıtmaq içün, bedava yañğan odun berilecek. Donetsk vilâyetiniñ sakinleri ise ev ocaqlarını alacaqlar. Mezkür qarar, itse baş nazir İrına Vereşçuknıñ başlığınen İAT meseleleri koordinatsiya ştabı tarafından berildi ve Ükümet tarafından tasdıqlandı.
Ükümet, arbiy (cenk) areketler rayonlarında yerleşken ya da vaqtınca işğal etilgen, qırşavlanğan (bloklanğan) territorial cemaatlarnıñ cedvelini şekillendirüv yañı tarzı ve tek standartını tayinledi. Bu, ayrı meskün yerler seviyesinde daa tagfsilâtlı ve miqyaslı olğan yañı usuldır. Cedvelge kirsetilgen topraqlar aqqında malümatnıñ tek menbası, Reintegratsiya nazirliginiñ emridir. Yañı tarzğa köre şekillendirilgen cedvel, şu cümleden İATda ve cebege yaqın topraqlarda cemiyet ögündeki elektron sicillerge irişim yañıdqan yaratmaq içün qullanılacaq. 254 sicil endi bloksızlaştırıldı.
Ukraina Prezidenti Volodımır Zelenskıy, Levko Lukyanenko adına devlet stipendiyasını qırımtatar milliy areketiniñ faalicisi, kremlniñ eseri Edem Bekirovğa tayinledi. Maqbul № 853/2022 qarar, Prezidentniñ Ofisiniñ saytında yayınlandı. Reintegratsiya nazirligi, Edem Bekirovğa stipendiya bermege teşebbüs etti.
