Lüblin şeerindeki halqara konferentsiyada çıqış yapqanda Ukraina vitse baş naziri İrına Vereşçuk bunı bildirdi.

“Lehistanda ya qısmen, ya da tamamınen çalışqan ukrain şirketleriniñ sayısından kerçeken açıq göñülden şaşıram. Bu, 21 biñden ziyade müessise. Misal içün, umumen Lehistanda ecnebiy kapitalnen 93 biñ şirket çalışa. Yani tahminen 22%-i – tamam ukrain kapitalınıñ qısmınen müessiselerdir. Başqa ülkelerge köre, bizim yatırımlarımıznıñ miqyası kerçekten şaşıra. Eki ülkeniñ ükümetleri, tamam qanunlar ceetinden Lehistanda ukrain biznesini idare etüv qaidelerini uyğunlaştırmaq içün usullarnı tapacaqlar”, – dep memur qayd etti.

Şu cümleden, Avropa Birliginen 2023 senesi iyün ayına qadar işlegen ticaretni vaqtınca liberalizatsiya rejimi, öz semereligini kösterdi. Vitse baş nazir haber berdi ki, şu anda bu imtiyazlı müddet vaqtını uzatmaq içün añlaşmalar keçirile.

“Biz pek ümüm etemiz ki, Lehistan er vaqıtki kibi bizim qorçalayıcı olacaq ve ABde ukrain biznesi içün o qadar kerekli şartlarnı almağa yardımcı olacaq”, – dep İrına Vereşçuk hulâsa çıqardı.