“Diia” qullanımında devlet içinde alınğan kişiler içün eki yañı hızmet qullana bilirler – bugünden öz aqıllı telefonı vastasınen qayd yerini deñiştirmek ve DAK statusını lâğu etmek mümkün.

Keçenlerde bu hızmetlerni almaq içün yaşğanı yerge mücibi ealini qorçalav içtimaiy organlarına hitap etmege mecbur edi. Bugünden ise olar avtomatik – devlet içinde alınğan kişiler devlet hızmetçisiniñ qararını beklemek kerekmeyler. “Diia” qullanımında DAK şeadetnamesine saip olğan kişiler bu hızmetlerni qullana bilirler.

“Diia”da DAKniñ qayd adresini nasıl deñiştimek mümkün:

1. Qullanımdaki DAK şeadetnamesiniñ menüsine basıñız.

2. “Faktik yaşağanım adresni deñiştirmek” saylaıñız.

3. Hızmetniñ tasvirini oquıñız ve “Başlamaq” basıñız.

4. Faktik yaşağanıñız yerniñ adresini yazıñız.

5. Geolokatsiya vastasınen bulunğanıñız yerni tasdıq etiñiz (vaqtınca meskende bulunmaq şarttır).

6. Arizañıznı baqıluvğa yollañız.

“Diia”da DAK statusını nasıl lâğu etmek mümkün:

1. Qullanımdaki DAK şeadetnamesiniñ menüsine basıñız.

2. “DAK statusını lâğu etmek” saylañız.

3. Hızmetniñ tasvirini oquıñız ve “Başlamaq” basıñız.

4. Arizañıznı baqıluvğa yollañız.

Arizañız 15 daqqa içinde işlenecek, ceryan bitken soñ beyanat alacaqsıñız.

Hatırlatamız ki, “Diia” qullanımında em DAK şeadetnamesini almaq, em de içtimaiy ödemelerni vesiqalaştırmaq mümkün.