İşğal akimiyetiniñ silâlı çatışmalarda qullanğanı, zornen çalışmağa ya da qulluqqa mecbur etkeni kişiler, insan ticaretiniñ qurbanı sayılır.

Zarar körgen er bir insan, şu cümleden vaqtınca işğal etilgen topraqlardakiler, devletten kompleksli yardım ala bilir.

Ne yerge hitap etmek kerek?

1. Yerli devlet memuriyetine statusnı qayd etüv arizasınen.

2. Milliy politsiyanıñ aqlarnı qorçalav meseleleri organlarına.

3. 1547 nomerağa insan ticaretine qarşılıq meseleleri sıcaq hattına.

Devlet bu tür kişilerge qaysı bedava yardım ete:

– Yardım müessiselerinde vaqtınca yerleştirüv;

– Bir kerelik maliyeviy yardım;

– Aqlar ve imkânlar aqqında malümat;

– Tibbiy, ruhiy, uquqiy hızmetler.

Diqqat! Zarar körgen insanlarğa konfidentsiya kefil ola.