- Vitse baş nazir İrına Vereşçuknıñ başlığınen Reintegratsiya nazirliginiñ taqımı Lüblin şeerinde (Lehistan) ley-ukrain sıñırlarını keçit imkânlarını kenişletmesine bağışlanğan halqara konferentsiyada iştirak etti. Leh akimiyeti ve içtimaiy teşkilâtları ile körüşüvler vaqtında eki ülkelerniñ gumanitar ve iqtisadiy saalardaki işdeşligi muzakere etildi. Şu cümleden, tek iqtisadiy boşluqnı yaratuv imkânı.
- Ukrainalılarnıñ signalları ve hitaplarını daa ecele tarzda işlemek içün Reintegratsiya nazirligi, sıcaq hattınıñ operatorlatınen bağlanmaq içün yazılı beyanatnı daa faal qullanmağa çağırdı.
- Bugünden Reintegratsiya nazirligine siziñ içün uyğun messengerge yazıp hitap ete bilirsiñiz: WhatsApp/Viber/Telegram. Şu cümleden:
- – DAK meselelerine – (096) 078-84-33 telefon nomerası vastasınen;
– Mahsus vaziyetlerde habersiz ğayıp olğan kişiler meseleleri vekiliniñ Ofisine: (095) 896-04-21.
- Milât bayramından evel vitse baş nazir İrına Vereşçuk, rus tecavuzı sebebinden ana-babalarını coyğan balalar ve vasiylerinen körüşti. Bütün Ukrainadan UNKniñ Klubına balalar keldiler. Olar oqumaq içün laptoplar ve tatlılar aldılar. Bundan ğayrı vitse baş nazir, Olena Zelenskanıñ teşkilâtından kitaplarnı ediye etti.
- Ealini patlayıcı şeylernen bağlı qazalardan saqlanmaq içün HALO Trust minasızlaştıruv hayriye fondunıñ yardımınen Reintegratsiya nazirligi, Sumı vilâyetiniñ Romen topraq cemiyetine 400 muntazam mina telükesi köstergiç sistemasını yolladı. Umumen Sumı ve Harkiv vilâyetleriniñ işğalden azat etilgen cemiyetlerine Reintegratsiya nazirligi 1200 muntazam mina telükesi köstergiç sistemasını endi berdi.
- Vitse baş nazir İrına Vereşçuknıñ başlığınen Reintegratsiya nazirliginiñ taqımı Jıtomır vilâyetini ziyaret etti. DAKniñ yaşağanları kompaktlı yerlerni teşkerdiler, Jıtomır qartlıq pansionını ziyaret ettiler. VAMniñ reberligi ve vilâyetniñ cemaatı, halqara teşkilâtlarnıñ vekilleri, donorlar ve göñüllilernen oturışlarnı keçirdiler.
- Reintegratsiya nazirliginiñ yardımınen evine, işğalcilerniñ VİETda ve rfda tutqanları daa eki bala, şu cümleden 11 aşındaki Mark ve 18 yaşındaki Danılo qaytarıldı. Tolu miqyaslı tecavuznıñ başlanğıcından rfdan, VİETdan ve çet ülkelerden Ukrainağa endi yüz bala qaytarıldı.