burger

4 milliondan ziyade ukrainalı halqara teşkilâtlardan para yardımını aldı

Опубліковано 21 December 2022 року, о 10:31

Cenk başlağan berli endi 4,3 million ukrainalı BMTnıñ çeşitli agentliklerinden ve başqa gumanitar teşkilâtlardan para yardımını aldı. Para ödemeleriniñ umumiy sayısı 1 mldr AQŞ dollarından ziyadedir. BMTnıñ gumanitar meselelerni idare etüv ofisiniñ saytında böyle bilgiler yayınlandı.

Soñ eki ay boyunca gumanitar teşkilâtlar, işğalden azat etilgen topraqlarnıñ işğalni başından keçirgen sakinlerine yardım etmek içün, para ödemeleri programmalarını büyük derecede çoqlaştırdılar. Donetsk, Zaporijjâ, Luhansk, Harkiv ve Herson vilâyetleriniñ işğalden azat etilgen topraqlarındaki 100 biñden ziyade vatandaş böyle maliyeviy yardım endi aldı.

Şu anda işğalden azat etilgen topraqlarda, Reintegratsiya nazirliginiñ Ukraina Qırmızı Haç Teşkilâtınen ve Halqara migratsiya teşkilâtınen beraber yerine ketirgeni para yardımı leyhaları devam eteler. Başqa halqara donorlar, işğalden zarar körgen ukrainalılarğa para yardımını çoqlaştırmağa planlaştıralar.