Bu sene er ay boyunca Reintegratsiya nazirligi, kreml siyasiy mabüslerine Levko Lukyanenko adına devlet stipendiyasını ödey edi. Bütün bu vaqıt devamında 18 kişi umumen 1,6 mln grivnalıq stipendiya aldı.

Mezkür ödemeler, qanunsız esirlikten azat etilgen ukrainalılarğa ve rusiye federatsiyasınıñ alâ daa tutqanı kişilerniñ aqrabalarına yapılır.

Hatırlatamız ki, Levko Lukyanenko adına devlet stipendiyası, bu kişilerniñ içtimaiy ya da siyasiy faaliyeti sebebinden Donetsk ve Lugansk vilâyetlerindeki ve Qırım Muhtar Cumhuriyetindeki vaqtınca işğal etilgen topraqlarnı kontrol astında tutqan Rusiye Federatsiyası ya da RF işğal memuriyeti tarafından qanunsız olaraq tevqif olğan ukrain vatandaşları içün tayinlenmekte.