Milliy bank ve devletniñ sistemalı müim bankları POWER BANKING orta bank ağısını yarattılar. Mezkür ağ, bütün Ukraina boyunca elektrik olmadan çalışa ve hızmet ete bilecek bölüklerni birleşti.

Mezkür bölükler, energiya alternativ menbalarınen ve alâqa yedek kanallarınen temin etildi, olarnıñ paranıñ quvetleştirilgen inkassatsiyası ve qoşma hadimleri bar.

Blackout şartlarında bu tür bölüklerde (bankomatlarda ya da kassalarda) para almaq, (ya kassada ya da özüni hızmet etüv terminalında) ödeme yapmaq ya da  para yollamaq, (kassada ecnebiy ülkelerniñ parası olsa)  para deñiştirmek, idareciden mesleat almaq mümkün olacaq.

Şu anda bu ağda 1000den ziyade bölük bar ve bölükleri esası olğan bütün 14 sistemalı müim banknı birleştire.

Bölükler Kıyiv şeerinde ve devletniñ 22 vilâyetiniñ 216 meskün yerinde (şu cümlede, Herson, Harkiv, Mıkolayiv vilâyetleriniñ işğalden azat etilgen rayonlarında) yerleşe.

Bu tür bölüklerniñ umumenukrain interaktik haritası işelndi. Bağlantığa basıp, onı körmek mümkün.

Qullanıcı, öz şeerindeki çalışqan eñ yaqın bölük, adresini ve alâqa nomerasını tapa bilir. Bundan ğayrı, ya telefonğa ya da kompyuterge bu cedvelni endirmek mümkün.

İnteraktiv hatritağa kirsetilgen banknıñ bu tür bölükleriniñ cedveli, Devlet idarecisi tarafından er vaqıt yañartıla.