Tele canlı yayaınlarından birinde bu sene aqqında hulâsa çıqarğanda Ukraina vitse baş naziri İrına Vereşçuk bunı bildirdi.

O tafsilâtlıca ayttı ki, tolu miqyaslı tecavuznıñ başlanğıcından yaşayış içün devlet içinde alınğan kişiler tahminen 47 mlrd grivna aldılar. Laf, er ay balalar ve saqatlılar içün 3 biñ grivnalıq ve başqaları içün 2 biñ grivnalıq yardım aqqındadır.

“Prıhıstok” programması çerçivesinde öz evlerinde DAKni yerleştirgen meskenniñ saiplerine masraflarını ödemek içün 900 mln grivna qullanıldı. Tahminen 4 million vatandşlarımız onı qullandı.

“Mezkür para evlerinden ayırmağa mecbur qalğan ve ev oñaytığına ihtiyac duyğan vatandaşlarımızğa mesken bergen kişilerge kommunal hızmetler içün tazminat ödemege üleştirildi. Bu, devlet içün zor vaqıtlarda birleşken ve ihtiyac duyğanlarğa yardımcı olmağa devam etken ukrainalılar içün inkişaf ettirici ve olarğa teşekkür bildirem”, – dep İrına Vereşçuk ayttı.

Memur hatırlattı ki, kelecek sene devlet içinde alınğan kişilerni öz evlerine yerleşken insanlar kommunal hızmetler içün eki qat büyük tazminat – aylıq bir kişi içün 900 grivna alacaqlar.