Quvetli müessiselernen beraber Mahsus vaziyetlerde habersiz ğayıp olğan kişiler meseleleri vekiliniñ Ofisi, Ukraina içün ayatlarını bergen Qaramanlarnı evlerine qaytarmağa devam ete.

Bugün öldürilgen askerlerniñ bedenleriniñ daa bir deñişmesi keçirildi. Ukraina daa 42 öldürilgen qorçalayıcısınıñ bedenini qaytardı.

Mahsus vaziyetlerde habersiz ğayıp olğan kişiler meseleleri vekili vazifesi yaratqanından vaqıt, ayatını Ukrainanıñ mustaqilligi içün bergen 869 qorçalayıcınıñ bedenleri evlerine qaytarıldı.

“Er kün deñişme işi devam ete. Aytışmalar ceryanı zor ve devamlı olğanına baqmadan, onı çabikleştirmege ıntılammız. Biz mudafaacılarnıñ qaytmaları ve hatırnı saymağa beklegen er bir qorantanı añlaymız. Er kesni qaytaracaqmız”, – dep Mahsus vaziyetlerde habersiz ğayıp olğan kişiler meseleleri vekili Oleh Kotenko qayd etti.

Hatırlatamız ki, mahsus vaziyetlerde habersiz ğayıp olğan kişiler meseleri vekiliniñ sıcaq hattınıñ telefon nomerası vastasınen bölge merkezlerine hitap etmek mümkün: 0 800 339 247.

Bundan ğayrı, ğayıp olğan kişi aqqında tamam Mahsus vaziyetlerde habersiz ğayıp olğan kişiler meseleleri vekiline telefon ete bilirsiñiz: (099) 792-01-26.

Raatlıq künleri ise Viber ve Telegram qullanımlarına (095) 896-04-21 telefon nomerasına beyanat yazıp yollamaq mümkün.