Canlı yayın vaqtında Ukraina vitse baş naziri İrına Vereşçuk bunı bildirdi. O tafsilâtlıca ayttı ki, keçken gumanitar koridorlarnıñ neticelerine köre, şu anda da devam etken telükesiz bölgelerge mecburiy ve göñülli tahliye vaqtında tahminen yarım million kişi muvafaqiyetnen köçtii. Bu, Reintegratsiya nazirliginiñ bu sene esas muvafaqiyetlerinden biridir.

“Halqara ortaqlarmıznen dialog qurmağa devam etemiz. Qalğan telükeli yönelişlerden gumanitar koridorlarnı teşkil etmek içün bizge yardım bermege rica etemiz. Şu cümleden, Zaporijjâ vilâyetindeki Vasılivkanı açmağa talap etemiz. Uzun vaqıt devamında rus tecavuzcıları bu blok noqtasından insanlarımıznı keçirmege izin bermey ve olarnı canlı qalqan olaraq qullana ediler. Halqara gumanitar uquqqa riayet etmek kerekligini daa bir kere hatırlatmağa isteyim: kontrol etmegenimiz topraqlardaki insanlarnıñ çıqma ve ayatını saqlanma imkânı olmalı”, – dep vitse baş nazir diqqat celp etti.

Hatırlatamız ki, cenkniñ ilk 3 ayı devamında Reintegratsiya nazirligi 165 gumanitar koridornı teşkil etti. Bu yardımınen tolu miqyaslı tecavuznıñ ilk aftalarında arbiy areketler zonalarında 350 biñden ziyade kişi tahliye etildi.