Herson vilâyet arbiy memuriyetinen beraber Reintegratsiya nazirligi cebege yaqın zonalardan az mobil olğan kişilerniñ tahliyesini teşkil etmege devam ete.

Tek bugün Herson şeerinden Korosten şeerine içtimaiy hızmetçilerniñ ozğarmasınen rayon şuraları topraq merkezlerinde hızmet alğan 35 Hersonlı ketti. Olardan 19-ı az mobil olğan kişidir.

Vilâyet merkezi azat etilgen soñ umumen 500den ziyade qart ve az mobil olğan kişi, şu cümleden Herson ruhiy-nevrologik ev-internatınıñ 300 müşterisi muvafaqiyetnen tahliye etildi.

Bedava tahliye, tren mahsus adabanlaştırılğan vagonları vastasınen keçirir. Bundan ğayrı, tahliye trenine transfer bar. Daa telükesiz bölgelerge kelgen soñ mahsus ihtiyaclarnen insanlarnı qarşılaştırıp, gumanitar ve maliyeviy yardım, kerekli baquv alğanları içtimaiy müessiselerde yerleştireler.

Hatırlatamız ki, az mobil olğan kişiler Herson VAMniñ sıcaq hattına: 0 800 330 951 ve (091) 481-78-45; ya Helping to Leave göñülli teşkilâtınıñ çat-botuna ya da Help People göñülli teşkilâtına telefon etip: (093) 696-97-88, cebege yaqın topraqlardan tahliye etme istegini bildire bilirler.

Bundan ğayrı, buhran meseleleri sıcaq hattına telefon etip: 15-48 ya da messengerlerge beyanat yazıp: (096) 078-84-33 hitap etmek mümkün.