burger

2022 senesi Reintegratsiya nazirligi tahliye trenleriniñ yolcularına ödemeler yapmaq içün 47,5 mln grivna ayırdı

Опубліковано 7 January 2023 року, о 14:35

Ukrainanıñ telükeli bölgelerinden sakinlerniñ tahliyesi devam ete. 2022 senesi noyabr ayınıñ 1-inden berli Reintegratsiya nazirligi, trenler vastasınen tahliye etkenlerge para yollamağa başladı.

Kelgen soñ tamam vokzalda tahliye etilgen kişiler devletten maliyeviy yardım alalar. Şu cümleden, yetişkenlerge 2 biñ grivna, balalarğa ve saqatlı kişilerge 3 biñ grvina ödeyler. Ukrpoşta insanlarğa vastasız para bere.

Bu tür ödemelerni temin etmek içün keçken sene noyabr-dekabr aylarında Reintegratsiya nazirligi, Ukrpoştanıñ bölge (Hmelnıtskıy, İlbav, Ternopil ve Dnipropetrovsk) direktorlıqlarınıñ esabatına 47,5 mln grivna yolladı.

Hatırlatamız ki, Reintegratsiya nazirliginiñ 24 saat işlegen 15-48 sıcaq hattına telefon etip ya da çat-botnı qullanaraq, tahliye etmege istegeniñizni bildire birilsiñiz.

WhatsApp/Telegram/Viber messengerleri vastasınen hitap etmek içün aşağıdaki telefon nomersını qullana bilirsiñiz: (096) 078-84-33