burger

İşğalden azat etilgen topraqlarda yanvar ayı içün pensiya ödemege başladılar

Опубліковано 9 January 2023 року, о 14:30

Bugün Herson, Mıkolayiv, Harkiv, Donetsk ve Luhansk vilâyetlerinde pensiya ödemek içün 3,27 mlrd grivna üleştirildi.

Oktâbr ve dekabr ayları arasında Herson vilayetindeki Novovorontsovka, Bilozerka, Vısokopillâ, Velıka Oleksandrivka qasabalarında ve Herson şeerinde Ukraina Pensiya fondu hızmet merkezlerini yañıdan açtı. Şu anda Berıslav şeerinde hızmet merkezini yañıdan açmaq içün teşkiliy tedbirler keçirile.

Bu sene yanvar ayından Mıkolayiv vilâyetiniñ işğalden azat etilgen 31 meskün yerine pensiya ketirmek ve ödemek içün tehnikiy imkânlar yañıdan yaratıldı. Bundan ğayrı, dekabr ayında vilâyetteki Snihurivka şeerinde UPF hızmet merkezini yañıdan açmağa becerdi.

Ukrpoştanıñ bildirmelerine köre, yanvar ayında Harkiv vilâyetinde Kupyansk rayonınıñ işğalden azat etilgen 3 meskün yerine pensiya ketirmege ve ödemege temin etme imkânları yañıdan yaratıldı.

Hatırlatamız ki, küz devamında Harkiv vilâyetiniñ işğalden azat etilgen topraqlarında Balakliya, İzüm, Barvinkove, Vovçansk, Kupyansk ve Derhaçi şeerlerinde, Çkalovske, Şevçenkove ve Velıkıy Burluq qasabalarında Ukraina Pensiya fondu 9 hızmet merkezini yañıdan açmağa becerdi.

Donetsk vilâyetindeki işğalden azat etilgen Svâtohirsk ve Lıman şeerlerine ve vilâyetiniñ azat etilgen daa 20 qasabası ve köyüne UPFnıñ mütehassısları ketip, vatandaşlarğa hızmet eteler