ICTV telekanalınıñ canlı yayınında Vitse baş nazir İrına Vereşçuk, rusiyeniñ vaqtınca işğal etilgen Herson vilâyetinden deyerli 100 biñ ukrainalını çıqaruv niyeti aqqında KHVnıñ bildirmelerini böylece tefsir etti.

“Laf, kütleviy sürgünliknen bağlı planlar aqqındadır. Bu, genotsid köstergiçleri. Duşman aşıqa, çünki bile ki, yaqın kelecekte topraqlarımız işğalden azat etilecek. İşğalden azat etilecek”, – dep memur qayd etti.

O hatırlattı ki, bütün qanunsız areketleri içün ruslar cezalandırılacaq.

“Duşman devletiniñ memurları ve siyasetçilerine muracaat etmege isteyim. Bunı yapmadan evel yahşıca tüşüniñiz. Tek rusiye bir devlet olaraq degil mesüliyet çekecek. Aİt olğan er kes – qarar bergen er kes, ukrainalılarnı rusiyeniñ topraqlarına ketirgen aydayıcılar bile – cevapkâr olacaq”, – dep İrına Vereşçuk tenbiyeledi.

Keçenlerde Bloomberg media şirketi haber berdi ki, rusiye ükümeti Herson vilâyetinden rusiye federatsiyasına 100 biñ kişini ketirmek içün 175 milliard ruble ayırdı